Польскі кінаінстытут падтрымаў беларускіх рэжысёраў — грошы атрымаюць хорар Кашперскага і драма Палуяна
Бюджэт новага фільма Аляксея Палуяна мае скласці больш за 3 мільёны даляраў, але падтрымка значна меншая.
Беларускія рэжысёры атрымалі фінансаванне на свае стужкі ад Польскага кінаінстытуту (PISF), заўважыў канал «Священный Белавуд».
У прыватнасці, грошы атрымаў рэжысёр Андрэй Кашперскі на свой паўнаметражны хорар «Суд памерлых». Стужка паўстане з яго аднайменнага кароткаметражнага фільма жахаў, які публікаваўся аўтарам летась.
Як бачна, заяўлены бюджэт «Суда памерлых» складае 2,116 млн злотых (каля 500 тыс. еўра). Польская дзяржава падтрымала праект на 90% дзяржаўных грошай. Астатняе фінансаванне аўтары павінны адшукаць самастойна.
Таксама дадатковае фінансаванне на фільм «Спадчына» атрымаў рэжысёр Аляксей Палуян. Яго фільм будзе прысвечаны беларускай сям'і падчас палітычнага крызісу пасля 2020 года і пачатку паўнамаштабнай вайны ў 2022 годзе.
Агульны бюджэт фільма складае 12 376 250 злотых (каля 2,92 млн еўра), а запыт быў на 3 млн злотых (каля 708 тыс. еўра). Кінаінстытут падтрымаў каманду толькі на 1,5 млн злотых (каля 354 тыс. еўра).
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары
Столькі грантаў,нікому гэтыя фільмы не патрэбныя.Лепей бы грошы далі гэтым сем'ям, а не кіно здымалі
Вой, ну ўжо Пятрухіна то я пазнаю пад любым нікнеймам ))
[Зрэдагавана]