Праграма «Калыханка» падрыхтавала для сваіх гледачоў сюрпрыз: 17 мая ў чарговым яе выпуску на канале «Беларусь 3» з'явіцца новы лялечны персанаж — яноцік Цёма.
Да любімых усімі мядзведзіка Топы, лісічкі Яны і Бусліка далучыцца герой, імя якому творчая група праекта выбірала з прапанаваных хлопчыкамі і дзяўчынкамі варыянтаў на сайце тэлеканала «Беларусь 3». Спыніліся на варыянце Цёма, хоць былі прапановы назваць яноціка Мілошыкам, Ярошам, Сцёпам ды іншымі імёнамі. У Цёмы будзе свая сакрэтная лабараторыя, дзе ён зможа праводзіць даследаванні і прыдумляць заўсёды нешта новае і цікавае.
Жарты новага героя ў выніку даходзяць да таго, што ён палохае ўсіх навіной, быццам сонца трохі «схуднела» - ад яго адваліўся велізарны кавалак і ляціць на Зямлю. Героі «Калыханкі» упарта не жадаюць мірыцца са свавольствам маленькага гарэзы, але з яноцікам не так лёгка справіцца.
«Калыханка» выходзіць штодня на «Беларусь-3 у 20:40.
Каментары