Пятро Парашэнка ўшанаваў памяць загінулых, стоячы на каленях ля Вечнага агню ў Кіеве. Ён усклаў кветкі да Вечнага агню і магілы Невядомага Салдата ў сталіцы Украіны 8 мая, паведамляе прэс-служба прэзідэнта Украіны.
Мерапрыемствы з нагоды Дня памяці і прымірэння і Дня перамогі над нацызмам у Другой сусветнай вайне ва Украіне, як і ў краінах Еўропы, цяпер адбываюцца 8 мая.
Разам з Парашэнка ва ўрачыстым памятным шэсці ўдзельнічалі ветэраны Другой сусветнай вайны і ветэраны АТА, народныя дэпутаты Украіны, члены ўрада, прадстаўнікі ўсіх рэлігійных канфесій Украіны.
Удзельнікі цырымоніі ўшанавалі памяць загінулых герояў хвілінай маўчання. Завяршыў цырымонію ўрачысты марш роты Ганаровай варты.
Парашэнка пагутарыў з людзьмі, якія прыйшлі ўшанаваць памяць загінулых герояў і аддаць даніну павагі ветэранам Другой сусветнай вайны і ветэранам АТА.
![](http://nnexpictures.fra1.digitaloceanspaces.com/img/w732d4webp1/photos/z_2016_05/poro3-18o0b.jpg.webp)
Каментары