Еўрапейскі Цэнтрабанк пакінуў базавую стаўку рэфінансавання на рэкордна нізкім узроўні ў 0% — у адпаведнасці з чаканнямі аналітыкаў. Стаўка па дэпазітах таксама не змянілася, склаўшы мінус 0,4%.
Еўрапейскі цэнтральны банк на чарговым пасяджэнні пакінуў асноўныя інструменты сваёй крэдытна-грашовай палітыкі на ўзроўні апошніх двух месяцаў. Як паведамляе рэгулятар, базавая працэнтная стаўка захавалася на нулявым узроўні, стаўка па дэпазітах — на ўзроўні мінус 0,4%, маржынальная стаўка — на ўзроўні 0,25%.
Без змен засталася і праграма «колькаснага змякчэння» (QE) па штомесячнай скупцы рэгулятарам даўгавых аблігацый з інвестыцыйным рэйтынгам, якая на пасяджэнні 10 сакавіка была павялічана з €60 млрд да €80 млрд.
На пасяджэнні 10 сакавіка ЕЦБ панізіў стаўкі і павялічыў праграму колькаснага змякчэння на фоне дэфляцыйных рызык у еўразоне. Такім чынам рэгулятар спадзяецца стымуляваць рост еўрапейскай эканомікі і разагнаць інфляцыю да прымальнага для развітых эканомік узроўню ў 2%.
Рынак чакаў, што ключавыя паказчыкі застануцца без зменаў. Цяпер аналітыкам трэба будзе дачакацца прэс-канферэнцыі кіраўніка ЕЦБ Марыа Драгі, на якой ён, як мяркуецца, агучыць прагнозы па інфляцыі і росту еўрапейскай эканомікі.
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары