Верхняя палата парламента Францыі (Сенат) у сераду звярнулася да ўрада краіны з просьбай паступова згарнуць эканамічныя санкцыі, уведзеныя Еўрапейскім саюзам супраць РФ.
Дадзенае рашэнне было прынята на вячэрнім пасяджэнні пасля 4-гадзіннага абмеркавання, паведамляе карэспандэнт «Еўрапейскай праўды».
Канчатковыя фармулёўкі рэзалюцыі пакуль не апублікаваныя — у тэкст дакумента былі ўнесеныя шэраг правак. Пазіцыя парламента падчас дэбатаў была некалькі змякчанай; у прыватнасці, уносіліся прапановы з нагоды паступовага характару зняцця санкцый.
Усяго ў Сенаце 348 дэпутатаў, за прагаласавала 302 дэпутаты, супраць — 16. Такім чынам, рэзалюцыю падтрымала абсалютная большасць дэпутатаў Сената.
У той жа час, дакумент не з'яўляецца абавязковым для ўрада Францыі, гаворка ідзе пра палітычную пазіцыю (рэкамендацыю) парламента краіны.
Рашэнне аб працягу санкцый супраць РФ, як чакаецца, будзе прынята Радай ЕС у бліжэйшыя тыдні; на майскай сустрэчы Вялікай Сямёркі прэзідэнт Францыі падтрымаў захаванне санкцый.
Раней Вярхоўная рада Украіны прыняла афіцыйны зварот да Сената Францыі з заклікам не галасаваць за рэзалюцыю.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары