Дэпутатка брытанскага парламента ад Лейбарысцкай партыі Джо Кокс, на якую ў чацвер быў здзейснены напад на поўначы Англіі, памерла ад атрыманых раненняў.
Вестку пра яе смерць пацвердзіла паліцыя графства Уэст-Ёркшыр.
Інцыдэнт адбыўся ў выбарчай акрузе Джо Кокс. У 41-гадовую жанчыну тройчы стрэлілі і некалькі разоў ударылі нажом.
Відавочцы распавядаюць, што Кокс была параненая, пасля таго аказалася ўцягнутай у спрэчку двух мужчын у вёсцы Берстал. Пасля таго, як у яе стрэлілі, жанчына некаторы час ляжала на бруку, сцякаючы крывёй, пакуль адзін з мясцовых жыхароў выклікаў хуткую дапамогу. Лёгкія раненні атрымаў мужчына ва ўзросце 77 гадоў.
Паліцыя графства паведамляе аб арышце 52-гадовага мужчыны, імя якога пакуль не называецца.
Неўзабаве пасля нападу прадстаўнікі рухаў, якія выступаюць за і супраць таго, каб Брытанія пакідала Еўрасаюз, паведамілі аб прыпыненні ўсіх мерапрыемстваў кампаніі на працягу дня.
Прэм'ер-міністр Брытаніі Дэвід Кэмеран напісаў у сваім твітары, што ўлады краіны сур'ёзна занепакоеныя інцыдэнтам.
Лідар лейбарыстаў Джэрэмі Корбін таксама выказаў спачуванні з дапамогай твітара.
«Уся вялікая сям'я лейбарыстаў, як і ўся краіна, шакаваная і смуткуе з нагоды жахлівага забойства Джо Кокс», — напісаў Корбіна.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы10
Каментары