Пугачовай рыхтуюць сюрпрыз: генеалагічнае дрэва з беларускімі каранямі і вышыванку
Беларускі спявак Аляксей Грос, які сёлета будзе прадстаўляць Беларусь на «Славянскім базары», уручыць прымадонне падарункі на яе сольным канцэрце ў Віцебску.
Упершыню з 2001 года Ала Пугачова наведае «Славянскі базар» разам са сваім мужам — Максімам Галкіным. Каманда спевака Аляксея Гроса вырашыла прыемна здзівіць прымадонну. Яны адправіліся ў Бранскую вобласць Расіі да стрыечнага брата Алы, які ўжо 30 гадоў займаўся распрацоўкай генеалагічнага дрэва. Каманда дапамагла аформіць і цяпер рыхтуецца перадаць спявачцы спецыяльна аформленую паўтараметровую рамку з продкамі прымадонны. Вывучэнне генеалагічнага дрэва паказала, што яшчэ ў XIX ст. род Пугачова жыў у Магілёўскай вобласці, а ў прадзеда спявачкі тут быў свой маёнтак.
Сюрпрыз чакае і супернікаў Аляксея — для іх ён падрыхтаваў 20 традыцыйных вышыванак ад кампаніі symbal.by.
Нагадаем, што Аляксей плануе сёлета выступіць на конкурсе песні з беларускамоўнай песняй «Ой, дожджык ідзе» Валерыя Дайнэкі.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары