Генералы і афіцэры ВПС ЗША ўзялі ўдзел у Саміце па выкарыстанні кіраванай энергіі ў Вашынгтоне на мінулым тыдні, каб выпрацаваць агульнае бачанне будучых баявых аперацый з выкарыстаннем лазернай зброі, піша ваенны партал airforcetimes.com.
За апошнія 20 год лазерная зброя прайшла вялікі шлях — ад небяспечных хімічных лазераў да больш надзейных цвердацелых, ад дзясяткаў ват да дзясяткаў кілават.
Хоць пакуль баявыя лазеры яшчэ занадта вялікія і цяжкія, каб ставіць на звычайныя баявыя самалёты, ужо надышоў час распрацоўваць найбольш эфектыўныя спосабы ўбудаваць лазеры ў арганізацыю і лагістыку ваенных аперацый, лічаць у Пентагоне.
«Я ўпэўнены, што прыйшоў час высокаэнергетычных лазераў на полі бою на самалётах падтрымкі наземных войскаў АС-130. Зброя будучыні — энергетычная зброя», — адзначыў генерал-лейтэнант Брэдлі Хейтхалд.
Таксама лазеры могуць выкарыстоўвацца для эфектыўнай барацьбы з ракетамі праціўніка, у тым ліку гіпергукавымі, а таксама асляплення прылад назірання і прыцэльвання.
Праблемы з выкарыстаннем найноўшай зброі могуць узнікнуць нават проста з-за псіхалагічных фактараў: лётчыкі могуць не верыць у сілу зброі, якая не робіць «бум!».
«Калі ваш пілот прызвычаіўся чуць, як ракеты ляцяць у самалёт праціўніка, альбо адчуваць, як самалёт падскоквае, вызваляючыся ад цяжару бомбы, у яго сфармавалася пэўная мадэль узаемадзеяння з машынай», - распавядае генерал-лейтэнант Генры Оберынг.
Ціхая і нябачная зброя, такая як лазер, прымушае пілотаў хвалявацца, ці працуе яна ўвогуле. Магчыма, каб пераадолець гэтыя рэфлексы, будзе патрэбна ўводзіць спецыяльныя заняткі па перападрыхтоўцы лётчыкаў, кажуць эксперты.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5656
Каментары