У Чарнагорыі затрымалі стваральніка Z-канала «Рыбар» Міхаіла Звінчука
Сярод затрыманых — жонка і паплечніца Міхаіла Звінчука Валерыя Звінчук, а таксама яшчэ трое чалавек.
Міхаіла Звінчука разам з некалькімі яго супрацоўнікамі затрымалі раніцай 9 кастрычніка ў горадзе Рысан, пішуць чарнагорскія выданні Vijesti і Pobjeda.
Сярод затрыманых — жонка і паплечніца Міхаіла Звінчука Валерыя Звінчук, а таксама яшчэ трое чалавек.
Аперацыю па затрыманні правяла чарнагорская паліцыя ў супрацоўніцтве з Агенцтвам нацыянальнай бяспекі краіны. Яна накіраваная на «спыненне гібрыднай дзейнасці» падрыўной сеткі каналаў, якую звязваюць разведупраўленнем Мінабароны Расіі.
Міхаіл Звінчук — былы супрацоўнік прэс-службы Міністэрства абароны Расіі. Тэлеграм-канал «Рыбар» (цяпер у яго больш за 1,5 мільёна падпісчыкаў) ён стварыў разам з калегам Дзянісам Шчукіным.
Выданне The Bell пісала, што ў фінансаванні тэлеграм-канала ўдзельнічаў заснавальнік ПВК «Вагнер» Яўген Прыгожын.
«Рыбарь» ды аналагічныя каналы сталі інструментамі маніпуляцыі грамадскай свядомасцю, распальвання нянавісці да Украіны і еўрапейскіх краін і падрыхтоўкі грамадскай думкі да вайны.
Цяпер чытаюць
Былога беларускага палітвязня судзяць у Літве за падрыхтоўку да забойства праціўнікаў Крамля. Пагражае аж да пажыццёвага11
Каментары
Самае непрыемнае, што прозвішча ўкраінскае.
Манкурт тыповы. Здрадзіў свайму народу, сваім продкам і стаў абслугоўваць акупантаў.
Гэта вялікая праблема: этнічныя Ўкраінцы-манкурты, якія служаць расейскай імпэрыі.
Ёсць і добрыя прыклады расейцаў з украінскімі каранямі, якія супраць вайны - саліст гурта Ногу свело, Дудзь, адвакат Новікаў. Якія за Украіну і супраць вайны.
Вялікая праблема, што на захопленых тэрыторыях Расея імгненна пачынае працу па русіфікацыі насельніцтва, абалваньванню расейскай прапагандай і вырошчванню з маладых украінцаў манкуртаў.
Потым хлопцаў - манкуртаў забіраюць у расейскую армію і яны ваююць супраць ўласнага ўкраінскага народа.
У Данецкай і Луганскай абласцях у 2022 годзе такая армія ДНР-ЛНР налічвала 20-30 тысяч чалавек. Гэта жах.