Прэзідэнт ЗША Барак Абама ўпершыню прыняў удзел у перадвыбарным мітынгу ў падтрымку былога дзяржсакратара Хілары Клінтан, ужо забяспечыла сабе вылучэнне ў прэзідэнты ад Дэмакратычнай партыі, паведамляе Reuters.
Абама разам з Клінтан прыбыў на мерапрыемства ў Шарлоце, найбуйнейшым горадзе Паўночнай Караліны. Ён пачаў свой выступ, скандуючы «Хілары!». А затым заявіў, што «ніколі не было кандыдата, падрыхтаванага для прэзідэнцтва лепш, чым Клінтан».
«Я гатовы перадаць эстафету», — сказаў Абама.
Клінтан паабяцала, што «будзе абапірацца на бачанне Амерыкі, якое заўсёды адстойваў Абама».
Раней стала вядома, што Клінтан апярэджвае свайго канкурэнта — прадстаўніка рэспубліканцаў Дональда Трампа — на 13%. Па дадзеных апытання, праведзенага Reuters і даследчай кампаніяй Ipsos, Клінтан падтрымалі 46% выбарцаў, а Трампа — 33%.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары