СК не знайшоў міліцыянераў, якія зламалі сківіцу аднаму з фігурантаў «справы графіцістаў»
Адзін з фігурантаў па «справе графіцістаў» Вячаслаў Касінераў, які хацеў прыцягнуць да крымінальнай адказнасці асоб, што моцна збілі яго пры затрыманні 11 жніўня мінулага года, у чарговы раз атрымаў адказ з Маскоўскага райаддзела Следчага камітэта горада Мінска аб прыпыненні крымінальнай справы.
«У сувязі з неўстанаўленнем асобы, якая падлягае прыцягненню да крымінальнай адказнасці, справа па прыкметам складу злачынства, прадугледжанага часткай 1 артыкула 149 КК РБ прыпыняецца».
Разам з тым паведамляецца, што «па крымінальнай справе працягваюць праводзіцца аператыўна – вышуковыя мерапрыемствы аператыўнымі службамі ўнутраных спраў. У выпадку ўстанаўлення асобы якая здзесніла злачынства, вам будзе паведамлена дадаткова».
Крымінальная справа па факце нанясення Вячаславу Касінераву цялесных пашкоджанняў пры жорсткім затрыманні супрацоўнікамі спецыяльнага атрада хуткага рэагавання ўнутранных войскаў МУС (САХР) была ўзбуджаная яшчэ напрыканцы лістапада 2015 года.
З таго часу папярэдняе расследаванне некалькі разоў прыпынялася Следчым камітэтам. Следчыя сцвярджаюць, што вінаватых у збіцці актывіста яны ўстанавіць ня могуць. Альбо не жадаюць, робячы пры гэтым выгляд, што старанна праводзяць расследаванне ў рамках крымінальнай справы?
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?2
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары