«Самы ветлівы з людзей»: актывісты «Пошугу» змусілі хлопца зняць майку з Пуціным ВІДЭА
У суполцы «Пошуг» УКантакце з'явілася відэа, на якім відаць, як два хлопцы змушаюць трэцяга зняць саколку, на якой адлюстраваны Пуцін і надпіс «Самы ветлівы з людзей».
Словы тых, хто змушае зняць майку, заглушаныя. Відаць, у мэтах канспірацыі. Але ж добра чуваць, як апраўдваецца хлопец.
«Гэта адзіная чыстая майка, таму і адзеў, — кажа ён. — Калі хочаш, магу перавярнуць».
За некалькі гадзін пасля публікацыі на Youtube відэа набрала некалькі тысяч праглядаў, аднак, праз скаргі яго адтуль выдалілі.
Таксама пакуль незразумела, ці адбывалася гэта ў Беларусі. Хутчэй, не.
Каментары