9 жніўня намесніца кіраўніка Суражскага лясгаса ў Віцебскім раёне Лілія Красоўская разам з сям’ёй падчас прагулкі ў лесе знайшла рэдкі для Беларусі грыб — «зуб д’ябла», або Гіднэлум Пека. У паўночным рэгіёне краіны яго заўважылі ўпершыню, піша «СБ — Беларусь сегодня».
Грыб адразу кінуўся ў вочы з-за белага капялюшыка з ярка-чырвонымі кроплямі, якія ўтвараюцца ў працэсе гутацыі. Гэтыя кроплі ўтрымліваюць пігмент атраменцін з антыбактэрыйнымі ўласцівасцямі.
Грыб не ядомы праз сваю моцную горыч, але ён не атрутны; у народнай медыцыне ягоны настой выкарыстоўваюць, напрыклад, пры лячэнні сінякоў.
Гіднелум Пека расце пераважна ў кіслай глебе хвойных і змяшаных лясоў, найчасцей у Паўночнай Амерыцы і Еўропе, значна радзей у Азіі. У Беларусі сустракаецца вельмі рэдка, таму кожная знаходка цікавіць і грыбнікоў, і вучоных.
Акрамя таго, у той жа дзень сям'я ўбачыла і сфатаграфавала яшчэ адзін рэдкі экзэмпляр з характэрнай карычневай пустой ножкай — каштанавы грыб. Раней ён высока цаніўся за смакавыя якасці, асабліва ў сушаным выглядзе, а цяпер адносіцца да чырванакніжных.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары