«Велком»: Мы шукаем тэхнічнае рашэнне, каб забяспечыць прыём замоваў у інтэрнэт-краме на беларускай мове
Аператар мабільнай сувязі «Велком» даслаў у Рэдакцыю «Нашай Нівы» адказ наконт прыкрай сітуацыі са сваёй інтэрнэт-крамай. Нагадаем, кліентка не змагла зрабіць замову ў інтэрнэт-краме velcom, бо на сайце дазволена пісаць толькі па-руску.
«Якасць сервісу з'яўляецца адным з прыярытэтаў у дзейнасці кампаніі velcom, таму дадзены выпадак будзе выкарыстаны для аптымізацыі працэсаў узаемадзеяння з кліентам. У дадзеным выпадку адбылася памылка ў асабістай камунікацыі супрацоўніка кампаніі з кліентам. Яна ўжо выпраўлена, кліенту былі прынесены прабачэнні, а замова ў інтэрнэт-краме была прынята 18 ліпеня і была выканана 19 ліпеня.
Прыём замоў у інтэрнэт-краме ў дадзены момант магчымы толькі на рускай мове, бо ён тэхнічна звязаны са знешнімі камп’ютарнымі базамі верыфiкацii. Мы шукаем тэхнічнае рашэнне, каб забяспечыць прыём заказаў у інтэрнэт-краме таксама і на беларускай мове».
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары