Мужчына, які напаў з нажом на пансіянат інвалідаў «Сад лілей у Цукуі» ў прэфектуры Канагава ў Японіі, быў шпіталізаваны ў лютым гэтага года пасля сваіх заяваў аб жаданні забіваць людзей з абмежаванымі магчымасцямі. Пра гэта паведамляе Reuters.
Па дадзеных паліцыі, падазраваны Сатошы Уемацу хацеў прапанаваць ураду дазволіць яму забіваць інвалідаў. Пры гэтым ён дадаў, што, калі ў яго такое права з'явіцца, ён заб'е як мага больш інвалідаў.
У сакавіку яго выпісалі са шпіталя, бо дактары палічылі, што яго стан палепшыўся.
У горадзе Сагаміхара на захад ад Токіа мужчына з нажом напаў на людзей ва ўстанове для інвалідаў, у выніку загінулі 19 чалавек.
Каментары