Стамбульскі суд вызваліў з-пад варты 758 вайскоўцаў, затрыманых па падазрэнні ў дачыненні да спробы дзяржаўнага перавароту, паведамляе дзяржаўнае інфармагенцтва Анадолу.
Затрыманыя, у тым ліку курсанты вайсковых вучэльняў, былі адпушчаныя пасля дачы паказанняў. Суд не ўбачыў неабходнасці трымаць іх пад вартай.
Усяго суд разгледзеў справы 989 вайскоўцаў, 231 чалавек быў пакінуты ў зняволенні.
Па апошніх дадзеных, больш за дзевяць тысяч чалавек, большасць з якіх вайскоўцы, былі арыштаваныя пасля спробы перавароту.
Дзясяткі тысяч людзей, уключаючы тысячы універсітэцкіх выкладчыкаў, былі адхіленыя ад сваіх пасадаў. Былі зачыненыя больш за дзве тысячы арганізацый.
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»17
Каментары