Дэлегацыю рабінаў усё-такі пусцілі ў Беларусь, і яны дабраліся да Лёзна
Дэлегацыя іудзейскіх святароў змагла дабрацца ўвечары 22 жніўня да беларускага горада Лёзна (Віцебская вобласць). У райцэнтр прыбылі прыкладна 500 рабінаў з 30 краін Еўропы.
Сітуацыя вырашылася станоўча: пасля праверкі дакументаў на мяжы дэлегатаў пусцілі ў краіну, і яны накіраваліся ў райцэнтр у суправаджэнні ДАІ, перадае «Радыё Свабода».
Раней супрацоўнікі пагранічнага ўпраўлення ФСБ Расіі па Смаленскай вобласці не прапусцілі ў Беларусь дэлегацыю. Святары бяруць удзел у кангрэсе рабінаў Еўропы, які праходзіць у Маскве 18—24 жніўня. Яны наведваюць месцы, звязаныя з памяццю аб загінулых яўрэяў. Адно з іх — беларускі райцэнтр Лёзна.
У дэлегацыі шмат грамадзян трэціх дзяржаў, якія не ўваходзяць у Саюзную дзяржаву Расіі і Беларусі. У сувязі з тым, што такія грамадзяне павінны перасякаць дзяржаўную мяжу ў міжнародных пунктах пропуску, іх не прапусцілі з Расіі. Акрамя таго, у многіх членаў дэлегацыі не было беларускіх віз.
Аднак сітуацыя ў выніку вырашылася. Паводле інфармацыі БелТА, у Лёзне рабінаў сустрэў упаўнаважаны па справах рэлігій і нацыянальнасцяў Леанід Гуляка. Іудзейскія святары наведалі мемарыял «Адаменская горка», дзе памаліліся аб яўрэях, якія загінулі ў гады Другой сусветнай вайны. У лютым 1942 года тут адбыўся адзін з самых масавых расстрэлаў мірных жыхароў — было забіта прыкладна 1,5 тысячы чалавек, сярод якіх сваякі вядомага ў свеце мастака Марка Шагала.
Нагадаем, што сёння раніцай Аляксандр Лукашэнка накіраваў прывітанне дэлегатам кангрэса рабінаў Еўропы. У ім адзначалася, што беларуская дзяржава і грамадства, «валодаючы багатымі духоўнымі традыцыямі і каштоўнасцямі, адданыя прынцыпам талерантнасці і адкрытасці да дыялогу». «Мы набылі ўнікальны вопыт захавання і падтрымання міжканфесійнага міру і згоды, якім па праве ганарымся», — сказана ў прывітанні. Кіраўнік дзяржавы таксама падкрэсліў значнасць ролі яўрэйскага народа ў гісторыі Беларусі.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары