Другі год запар у Віцебску адбываюцца мерапрыемствы ў гонар народнага паэта Рыгора Барадуліна. Асноўнай пляцоўкай сёлетняга літаратурна-музычнага свята будзе Арт-прастора (вул. Талстога, 7 (ф-л Віцебскага цэнтра сучаснага мастацтва)).
«Мы вырашылі пашырыць кола запрошаных гасцей, а таксама паспрабаваць актывізаваць і ўласна віцебскія творчыя сілы,» — распавядае адзін з арганізатараў Уладзімір Булаўскі.
«Асноўным складнікам свята будзе маркет, на які мы запрасілі віцебскіх майстроў, а таксама інтэрнэт-крамы knihi.by, belarusam.by, prastora.by. Кожны зможа набыць не толькі падарункі і сувеніры, але і кнігі беларускіх аўтараў, а таксама абмяняць свае рэчы на тыя, што спадабаюцца ў кутку free-маркета.
Сярод запланаваных актыўнасцей — першыя ў сезоне заняткі «Мова Нанова» з удзелам Андруся Такінданга, прэзентацыі кніг і выступы пісьменнікаў Віктара Марціновіча і Віталя Рыжкова, краязнаўцы Мікалая Півавара, а ў завяршэнні музычная праграма з удзелам гуртоў «Цень» з Віцебску, «Ілюжан» і «Марцін С.» з Мінску, а таксама традыцыйны кінапаказ ад фестываля кароткаметражак Cinema Perpetuum Mobile».
Традыцыйнымі партнёрамі «Барадулінак» выступаюць грамадска-культурніцкая кампанія «Будзьма Беларусамі», сацыяльна-культурная ўстанова «Віцебск для мяне» і Аддзел ідэалагічнай работы, культуры і па справах моладзі Віцебскага гарвыканкама.
Назва «Барадулінкі» — даніна павагі асобе і творчасці народнага паэта Беларусі Рыгора Барадуліна. Падчас мерапрыемстваў будзе пашырацца інфармацыя аб зборы сродкаў на шыльду ў гонар Рыгора Барадуліна.
Мерапрыемствы пройдуць ад 12:00 да 23:00 на пляцоўцы Арт-прасторы, вул. Талстога,7 (ф-л Віцебскага цэнтра сучаснага мастацтва) і на прылягаючых тэрыторыях. Уваход на ўсе падзеі вольны.
Падрабязную праграму падзей шукайце ў сацыяльных сетках ці па тэлефоне (25) 9133876.
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей7
Каментары