У афіцыйным звароце Нацыянальнага банка Беларусі да недзяржаўных банкаў была выказаная рэкамендацыя аб даступным тлумачэнні прычын адмовы ў крэдытаванні.
Часта людзі звяртаюцца ў Нацбанк з прэтэнзіямі наконт няякаснага прадастаўлення службоўцамі банкаў інфармацыі па пытаннях, што тычацца адмоў у выдачы крэдыту. Падставы для адмовы прадугледжаныя артыкулам пад нумарам 141 Банкаўскага кодэкса Рэспублікі Беларусь, і Нацбанк просіць даступна і аргументавана тлумачыць заяўнікам (крэдытаатрымальнікам) прычыны адмовы.
Аказалася, што замест таго, каб трымацца дадзенага артыкулу, некаторыя банкаўскія служачыя апраўдвалі адмову ў крэдытаванні выдуманым, нібыта складзеным Нацыянальным банкам спісам асоб, якім забаронена даваць крэдыт. Натуральна, незадаволеныя кліенты пасля гэтага звярталіся непасрэдна ў Нацбанк.
Кіраўніцтва Нацыянальнага банка лічыць недапушчальным у падобных выпадках спасылацца на іх, тым самым уводзячы грамадзян у зман. Гэта падрывае рэпутацыю як самога Нацбанка, так і іншых банкаўскіх устаноў.
У завяршэнне было сказана, што банкі павінны праяўляць самастойнасць у вырашэнні падобнага роду пытанняў, а накіроўваць у Нацыянальны банк можна грамадзян, чыя крэдытная гісторыя ставіцца пад сумнеў. У такім выпадку будзе праведзеная адпаведная праверка.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?21
Каментары