Грамадства1010

Памёр генерал Уладзімір Ягораў

4 кастрычніка памёр генерал-палкоўнік Уладзімір Ягораў, значны дзяржаўны дзеяч перыяду аднаўлення незалежнасці Беларусі. Было яму 76 гадоў.

Ён быў кіраўніком Камітэта дзяржаўнай бяспекі Беларусі (1994—1995) і міністрам унутраных спраў (1990—1994).

Ён нарадзіўся ў сям'і каваля ў вёсцы Рэчыца Чэрыкаўскага раёна Магілёўскай вобласці. Пасля камсамольскай кар'еры скончыў савецкую Найвышэйшую школу КДБ. Але накіравалі яго працаваць у міліцыю. З пасады міністра ўнутраных спраў Савецкай Латвіі і з задання ў Афганістане ён вярнуўся ў Мінск у 1990-м.

Быў сапраўдным патрыётам. Любіў спяваць беларускія песні, быў добрым баяністам. У хаце да апошняга ў яго вісела «Пагоня» на ўсю сцяну. Ён на пяць гадоў перажыў сваю жонку — рэктара Універсітэта культуры Ядвігу Грыгаровіч.

Пазнаёміліся яны з ёй нечакана.

«Калі я працаваў сакратаром ЦК камсамола, да мяне паступіла справа нейкай Ядвігі Грыгаровіч, — распавядаў ён у інтэрв'ю «Камсамолцы». — Нехта з яе аднакурсніц эміграваў у Ізраіль, у той час гэта лічылася здрадай, а будучая жонка выказалася з гэтай нагоды не так. Увогуле, мне даручылі яе выклікаць і пагаварыць. Прыйшла, прыгожая такая, маладая, мы пагутарылі і рассталіся. Неўзабаве я прыехаў у Маскву, патэлефанаваў ёй і прызначыў сустрэчу».

Яны былі парай з таго пакалення і тых ідэалаў, якія ў побыце ў сталыя гады вярнуліся да беларускай мовы свайго дзяцінства.

«Дома мы размаўлялі па-беларуску. Ты ведаеш, за ўсе гады сямейнага жыцця я не памятаю, каб мы калісьці маўчалі», — распавядаў ён.

Развітанне з генералам Ягоравым адбудзецца сёння ў Клубе імя Дзяржынскага.

Рэдакцыя «Нашай Нівы» далучаецца да спачуванняў сям'і і сябрам генерала.

Каментары10

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць