AP
У Осла сёння а 12-й гадзіне назвалі імя лаўрэата Нобелеўскай прэміі міру. Ім стаў прэзідэнт Калумбіі Хуан Мануэль Сантас, што падпісаў з лідарам паўстанцаў ФАРК Радрыга Ландонья пагадненне аб перамір'і, што паклала канец 52-гадоваму супрацьстаянню.
Цікава, што прэмія была прысуджана нягледзячы на тое, што калумбійцы на рэферэндуме па пытанні перамір'я ў нядзелю прагаласавалі супраць. У Нобелеўскім камітэце падкрэслілі, што галасаванне грамадзян не азначае адмовы ад перамір'я, а толькі паказвае, што жыхары Калумбіі не згодныя з канкрэтнымі яго ўмовамі.
***
У панядзелак-сераду назвалі імёны лаўрэатаў прэміі па медыцыне, фізіцы і хіміі. У наступны панядзелак стане вядома імя прэміі па эканоміцы, а, імаверна, у наступны чацвер па літаратуры.
