Мінчукі змогуць пазнаёміцца з культурай Італіі падчас XVI Сусветнага тыдня італьянскай мовы. Пра гэта паведаміў на прэс-канферэнцыі ў Мінску амбасадар Італіі ў Беларусі Стэфана Б'янкі.
Культурныя мерапрыемствы амбасады, што пачаліся святам сяброўства Італія—Беларусь 24 верасня, працягнуцца пяць тыдняў. Сёлета е яны праходзяць пад знакам італьянскай крэатыўнасці, у прыватнасці, у такіх традыцыйна паспяховых для Італіі сферах, як мода, дызайн, музыка, кіно, літаратура, мовазнаўства і выяўленчае мастацтва. Амбасада Італіі сумесна з партнёрамі падрыхтавала насычаную праграму, каб беларуская публіка максімальна глыбока пазнаёмілася з новымі тэндэнцыямі ў галіне італьянскага дызайну і творчасці.
Кульмінацыяй музычнай праграмы стане прэм'ера оперы «Травіята» з удзелам італьянскіх і французскіх салістаў у Нацыянальным акадэмічным Вялікім тэатры оперы і балета Беларусі 27 кастрычніка.
Таксама ўнікальнай падзеяй стане ўдзел «цяжкіх» падлеткаў на сёмым модным паказе «Мода Італія», які пройдзе ў час XVI Сусветнага тыдня італьянскай мовы, у якасці мадэляў.
«Летась з амбасадарам Італіі ў Беларусі спадаром Стэфана Б'янкі мы абмяркоўвалі інклюзію дзяцей з абмежаванымі магчымасцямі, а сёлета нам уяўляецца важным абмеркаваць інклюзію ў грамадства дзяцей і падлеткаў, якія маюць праблемы з законам і знаходзяцца ў карэкцыйных цэнтрах. Хлопцы будуць працаваць мадэлямі на паказах «Мода Італія», — адзначыў прадстаўнік Дзіцячага фонду ААН (ЮНІСЕФ) у Беларусі Рашэд Мустафа Сарвар.
Падчас XVI Сусветнага тыдня італьянскай мовы ў Мінску пройдуць сустрэчы, канферэнцыі, майстар-класы з удзелам італьянскіх выкладчыкаў, дызайнераў і архітэктараў.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда29
Каментары