Абраны новым генсекам ААН Антоніу Гутэрыш заявіў, што яго прыярытэтным кірункам на гэтай пасадзе стане заканчэнне ваеннага канфлікту ў Сірыі.
«Я думаю, што галоўны прыярытэт для міжнароднай супольнасці — здолець скончыць гэты канфлікт», — заявіў Гутэрыш.
Па словах будучага генсека, цяпер свет перажывае небяспечны час, гэта датычыцца і тых краін, якія знаходзяцца далёка ад зон канфліктаў і тэрарыстычнай актыўнасці.
Гутэрыш адзначыў, што сусветныя лідары вельмі зацікаўленыя ў заканчэнні ваенных дзеянняў у Сірыі і ў залагоджванні рознагалоссяў па гэтай тэме.
На яго думку, сірыйцы сталі ахвярамі не толькі сваіх праблем, але і сусветных супярэчнасцяў і спрэчак.
Былы прэм'ер-міністр Партугаліі Гутэрыш афіцыйна заступіць на пасаду кіраўніка ААН з 1 студзеня 2017 года, калі скончыцца мандат цяперашняга генеральнага сакратара Пан Гі Муна.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося3
Каментары