Шмат цікавага даведалася Украіна, пасля таго як пад ціскам заходніх крэдытораў было ўведзенае абавязковае і публічнае дэклараванне даходаў і маёмасці дзяржаўнымі чыноўнікамі і дэпутатамі.
Адной з самых багатых асоб Украіны аказаўся прэзідэнт Пятро Парашэнка.
Цікавасць была прыцягнута і да маёмасці былога прэм'ер-міністра краіны Юліі Цімашэнка. Яна не мае маёмасці, затое яе муж…
Дэкларацыі таксама выявілі, наколькі людзі не давяраюць грыўні і ўкраінскай фінансавай сістэме. Так, напрыклад, кіраўніца Нацыянальнага банка Валерыя Гонтарава, у мінулым інвестыцыйная банкірка, задэкларавала банкаўскія дэпазіты на $1,8 млн, тады як у грыўнях яна трымае толькі эквівалент 2500 даляраў.
Іншым захапляльным момантам дэкларацый стаў памер багацця наяўнымі, крыніцы якіх найцяжэй адсачыць. У палітыка-папуліста Алега Ляшко з жонкай яно перавышае мільён даляраў.
Яшчэ большыя грошы ў сейфе ці слоіках трымае прэм'ер-міністр Украіны 38-гадовы Уладзімір Гройсман.
Разам з жонкай яны задэкларавалі наяўнасць 2,3 мільёна грыўняў у банках (гэта прыкладна 100 тысяч даляраў), затое гатоўкай у іх ляжыць $1,2 мільёна, 460 тысяч еўра і амаль 4 мільёны грывень.
Гройсман — сын уласніка рынка з Вінніцы, які ў 2006 годзе, у 28 гадоў, стаў мэрам горада. У 2014 годзе Пятро Парашэнка забраў паспяховага рэгіянальнага лідара ва ўрад, а ў 2016-м зрабіў прэм'ерам. Тым не менш, застаецца загадкай, як чалавек на муніцыпальнай і дзяржаўнай службе можа назбіраць мільённае багацце ў краіне, дзе сярэдні заробак роўны 200 даляраў за месяц.
На думку антыкарупцыйнага журналіста і дэпутата Мустафы Наема, патрабаванне дэкларацый — частка пазітыўнага працэсу, які прывядзе да паступовага самаачышчэння ўкраінскага палітычнага арганізма.
Іншы папулярны журналіст і дэпутат Сяргей Лешчанка крытыкуе Пятра Парашэнку.
Часам не ведаеш, плакаць ці смяяцца з дэкларацый украінскіх палітыкаў. Так, адзін з дзеячоў папулісцкай Радыкальнай партыі ўсе апошнія гады меў даходы памерам 2—4 тысячы даляраў. Пры гэтым ён задэклараваў прыкладна 245 тысяч даляраў наяўнымі, калекцыю старых абразоў, халоднай зброі і нават крыж-энкалпіён ХІІІ стагоддзя са святымі мошчамі.
Украінская палітыка — свята жыцця. Пры гэтым краіна за 25 гадоў апусцілася на 2-е месца знізу ў Еўропе па памеры ВУП на душу насельніцтва.
У гарах Кыргызстана з дрона адшукалі целы зніклых беларускіх альпіністаў8
Каментары