У Лідзе нарад ДАІ вымушаны быў спачатку на машыне, а затым бегам даганяць нецвярозага кіроўцу на аўтамабілі Opel. Хлопец 1991 года нараджэння са скрыжавання заскочыў на тратуар, дзе ўрэзаўся ў Volkswagen з жанчынай за рулём і 11 гадовай дзяўчынкай на пасажырскім сядзенні. Пасля гэтага ён заглух на газоне ля пяціпавярхоўкі, кінуў машыну і пабег у двары.
Як паведаміла Дзяржаўтаінспекцыя УУС Гродзенскага аблвыканкама, супрацоўнікі лідскай ДАІ заўважылі падазронага кіроўцу на вуліцы Ленінскай. Ён рухаўся ў сустрэчным кірунку. Патрульная машына дагнала Opel на перакрыжаванні. Убачыўшы, што супрацоўнік ДАІ выйшаў з аўтамабіля і накіраваўся да яго, кіроўца не прыдумаў нічога лепшага, як паспрабаваць паехаць па ходніках. Пасля ДТЗ з Volkswagen, які вызджаў з дваровай тэрыторыі, хлопец выскачыў са сваёй машыны і накіраваўся ў жылы масіў. За ім кінуліся супрацоўнікі і неабыякавыя грамадзяне, якія дапамаглі спыніць ліхача.
Жанчына, кіроўца Volkswagen, і яе дачка ў ДТЗ не пацярпелі.
Затрыманы блытаўся ў паказаннях: піў піва ці то з сябрам, ці то адзін у аўтамабілі, пасля чаго захацеў пакатацца па Лідзе. У яго крыві выявілі 3,2 праміле алкаголю. У выніку на хлопца было складзена 6 пратаколаў.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары