У кастрычніку 2016 года ў аператыўна-дзяжурную службу Ленінскага РАУС г. Магілёва паступіла заява ад 32-гадовага магілёўца, індывідуальнага прадпрымальніка. Мужчына сцвярджаў, што яго беспадстаўна збіў невядомы, калі ён знаходзіўся на тэрыторыі «Віленскага рынку» па вуліцы Лазарэнкі.
Супрацоўнікі аддзела крымінальнага вышуку Ленінскага РАУС г. Магілёва высветлілі, што хуліганам аказаўся раней не судзімы 37-гадовы магілёвец, ліцейшчык аднаго з заводаў горада. Хуліган шпацыраваў з прыяцелем па шэрагах гандлёвых намётаў, будучы на моцным падпітку. Ён падбег да невядомага яму мужчыны, які выбіраў з жонкай калыску для дзіцяці, і са словамі «глядзі, як я магу», звернутымі да прыяцеля, ударыў незнаёмца ў твар. Вынікам хуліганскай выхадкі сталі цялесныя пашкоджанні ў выглядзе закрытага пералому касцей носа пацярпелага.
Матэрыялы справы перададзены ў Магілёўскі міжраённы аддзел СК Рэспублікі Беларусь для прыняцця рашэння аб завядзенні крымінальнай справы па частцы 1 артыкула 339 Крымінальнага кодэкса Рэспублікі Беларусь — хуліганства.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары