У Нацыянальнай бібліятэцы стартаваў праект «Кніга Беларусі XIV-XVIII стагоддзяў»: у анлайн-доступе маюцца копіі поўных тэкстаў дакументаў з фондаў Нацыянальнай бібліятэкі, выдадзеных у XIV-XVIII стагоддзях. Дакументы ў базе можна шукаць па аўтару, мове, зместу, тэрыторыі і іншых прыкметах, піша onliner.by.
Таксама ёсць магчымасць шукаць кнігі, выдадзеныя ў нейкім канкрэтным месцы (краіне ці горадзе). Кожная прадстаўленая кніга мае свой «пашпарт», які раскажа не толькі пра аўтара, месца, год, мову і тэматыку выдання, але і прадставіць шыфр захоўвання дакумента ў Нацыянальнай бібліятэцы Беларусі.
Віртуальныя выставы пазнаёмяць з найбольш каштоўнымі калекцыямі. Напрыклад, поўнымі тэкстамі выданняў Францішка Скарыны, якія захоўваюцца ў фондах НББ. У будучыні ён папоўніцца кнігамі з фондаў іншых бібліятэк, у тым ліку замежных.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары