Расія нацэліць сваю ядзерную зброю на аб'екты НАТА ў адказ на агрэсіўныя дзеянні альянсу, заявіў першы намеснік старшыні камітэта Савета Федэрацыі па абароне і бяспецы Франц Клінцэвіч. Ён удакладніў, што мае на ўвазе ядзерныя боепрыпасы наземнага, марскога і паветранага базавання.
«У адказ на агрэсіўныя дзеянні НАТА, на спробы альянсу ўцягнуць у сваю арбіту ўсё новыя краіны з боку Расіі будзе жорсткі і адназначны адказ. Мы нацэлім сваю зброю, у тым ліку і атамную, на любыя аб'екты альянсу, якія нам пагражаюць, дзе б яны не размяшчаліся», — цытуюць Клінцэвіча РІА «Новости».
Ён удакладніў, што «калі мы гаворым пра ядзерную зброю, мы гаворым пра ядзерны боепрыпас, які можа быць размешчаны на носьбіце ў наземнай стацыянарнай, мабільнай, марской і паветранай зброi».
Каментары