Сірыйскім урадавым войскам удалося ўзяць пад кантроль усе раёны ў гістарычным цэнтры Алепа — Старым горадзе, паведаміў Сірыйскі цэнтр маніторынгу за правамі чалавека, што базуецца ў Лондане.
Баі за Стары горад працягваліся ўсю ноч з аўторка на сераду, удакладнілі ў цэнтры маніторынгу.
Паўстанцы ўтрымлівалі тэрыторыю вакол старажытнай цытадэлі ў цэнтры Алепа на працягу апошніх чатырох гадоў, паведамляе Бі-бі-сі.
Цяпер войскі Асада кантралююць больш за дзве траціны ўсходняга Алепа і працягваюць наступ.
На падкантрольнай паўстанцам тэрыторыі застаюцца дзясяткі тысяч мірных жыхароў. Запасы харчавання сканчаюцца, гарадскія бальніцы ва ўсходнім Алепа не працуюць.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны43
Каментары