Спецыяльны камітэт палаты прадстаўнікоў Кангрэсу ЗША па выведцы падрыхтаваў даклад, у якім, у прыватнасці, ідзе гаворка пра тое, што экс-супрацоўнік Агенцтва нацыянальнай бяспекі (АНБ) ЗША Эдвард Сноўдэн знаходзіцца ў пастаянным кантакце з расійскімі спецслужбамі і прадстаўляе вялікую пагрозу для Вашынгтона, перадае агенцтва Reuters.
Як стала вядома з рассакрэчаных матэрыялаў дакладу камітэта, прысвечанага ўцечкам, справакаваным Сноўдэнам, Пентагон акрэсліў 13 «праблем з высокай ступенню рызыкі», якія з'явіліся пасля публікацый у прэсе экс-супрацоўніка спецслужбаў.
Кангрэсмены мяркуюць, што, «калі расійскія ці кітайскія ўлады валодаюць доступам да гэтай інфармацыі, амерыканскія войскі будуць падвяргацца большай рызыцы ў любым будучым канфлікце».
Сноўдэн «нанёс велізарную шкоду нацыянальнай бяспецы, і пераважная большасць дакументаў, якія ён скраў, не маюць ніякага дачынення да праграм», якія адносяцца да збору прыватнай інфармацыі, але «яны адносяцца да праграм узброеных сіл, разведкі, а таксама ўяўляюць вялікую цікавасць для праціўнікаў Амерыкі», гаворыцца ў дакуменце.
«Камітэт не знайшоў ніякіх доказаў таго, што Сноўдэн спрабаваў выказаць занепакоенасць з нагоды законнасці або маральнасці разведвальнай дзейнасці ЗША ў размове са службовымі асобамі, кіраўніцтвам ці іншым чынам падчас сваёй працы ў ЦРУ або АНБ», — адзначаецца ў дакладзе.
У чэрвені 2013 года Эдвард Сноўдэн перадаў газетам The Washington Post і The Guardian сакрэтныя дадзеныя, з якіх вынікала, што спецслужбы ЗША праслухоўваюць тэлефонныя размовы і адсочваюць электронную перапіску грамадзян ЗША і лідараў замежных краін. Баючыся пераследу амерыканскіх уладаў, Сноўдэн вылецеў у Ганконг, а пазней у Маскву. У жніўні 2014 года былы супрацоўнік амерыканскіх спецслужбаў атрымаў трохгадовы від на жыхарства ў Расіі. У ЗША Сноўдэна абвінавачваюць у шпіянажы, на радзіме яму пагражае да 30 гадоў турмы.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь24
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары