Буйнымі непрыемнасцямі скончыліся летнія прыгоды для 18-гадовага студэнта гомельскай ВНУ, жыхара Рагачова. Калі хлопец быў дома на вакацыях, ён неразумна скарыстаўся пнеўматычнай зброяй, што трапіла яму ў рукі. Стрэліўшы ў бок школьнікаў, ён траўмаваў 14-гадовага падлетка. Рагачоўскі раённы суд 28 снежня вынес рашэнне па гэтай крымінальнай справе, паведамляе «СБ. Беларусь Сегодня».
Па матэрыялах расследавання, гэтая гісторыя пачыналася зусім нявінна. Студэнт у гэты дзень прыйшоў у мясцовую гімназію размяцца на трэнажорах. У незачыненым кабінеце спартыўнай залы, дзе ішоў рамонт, ён заўважыў дзве пнеўматычныя вінтоўкі ІЖ-28. Зброя выкарыстоўвалася на ўроках па ваеннай падрыхтоўцы. Маладому чалавеку нічога іншага не прыйшло ў галаву, як пастраляць з пнеўматыкі праз акно гімназіі. Спачатку цэліў у птушак, а потым — у школьнікаў, якія былі ў двары.
У пракуратуры раёна, якая падтрымлівала дзяржаўнае абвінавачванне ў працэсе, распавядаюць пра ход падзей:
«Адна куля трапіла падлетку ў нагу, але адскочыла, пакінуўшы толькі сіняк. А вось другая трапіла іншаму школьніку ў калена, захраснуўшы ў ім».
Пацярпелага шпіталізавалі. Каб дастаць кулю з каленнай чашачкі, хлопца давялося везці ў адну з клінік Гомеля. Студэнта затрымалі. Разгледзеўшы матэрыялы крымінальнай справы, раённы суд прызнаў яго вінаватым у асабліва злосным хуліганстве.
Па словах прэс-сакратара Гомельскага абласнога суда Вольгі Барсуковай, у якасці пакарання прызначана тры гады пазбаўлення волі ў выпраўленчай калоніі ўзмоцненага рэжыму. Хлопец таксама абавязаны пакрыць пацярпеламу матэрыяльны і маральны ўрон на суму звыш 10 тысячы рублёў.
Прысуд пакуль не ўступіў у законную сілу. Абвінавачаны мае намер яго абскардзіць.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары