Жыхарка вёскі Дары Магілёўскага раёна Вольга Пятроўна паскардзілася ў райвыканкам на свайго суседа. Той адкрыў пад яе вокнамі аўтасервіс — СТА па рамонце і фарбаванні, а таскама мыйню. У жанчыны былі прэтэнзіі да пастаяннага шуму і паху фарбы. Да таго ж трэйлеры, якія прыязджалі да суседа, разбівалі дарогу, якую жыхары вёскі рамантавалі за свой кошт.
Каб разабрацца, хто і ў чым вінаваты, райкавынкам прыслаў дзве камісіі.
«На патрабаванні прадстаўнікоў улады уласнік аўтапрадпрыемства адрэгаваў цынічна і подла. У метры ад плота суседзяў ён паставіў туалет для сваіх работнікаў … Апроч таго, замовіў кучу курынага памёту, спачатку выгрузіў яго пад плот Вольгі Пятроўны, а затым раскідаў дзярмо па полі ўздоўж усяго плоту ўчастка пацярпелай», паведамляе па матэрыялах пракуратуры «Вячэрні Магілёў».
Уласнік СТА прызнаў, што зрабіў гэта наўмысна і запэўніў, што «задушыць лайном» суседзяў, бо гэтага дабра ў яго вельмі многа.
Сваю ўпэўненасць у беспакаранасці прадпрымальнік падмацоўваў тым, што яго маці працуе ў праваахоўчай структуры.
Забарону паркаваць трэйлеры на ўчастку ён праігнараваў, таму атрымаў штраф у памеры 210 рублёў.
Каментары