Развітальнае паведамленне прэзідэнта ЗША Барака Абамы ў Twitter стала самым папулярным за ўвесь час існавання акаўнта POTUS (President of the United States). Пра гэта паведамляе выданне Daily News са спасылкай на прадстаўніка кампаніі Twitter.
Паводле яго слоў, па папулярнасці паведамленне пераўзыходзіць апублікаваны ў чэрвені 2015 года твіт Абамы аб легалізацыі аднаполых шлюбаў, які працытавалі 425 тыс. разоў. Развітальны твіт прэзідэнта ЗША працытавалі больш за 720 тыс. разоў, а лайкаў па стане на 08:35 паводле мінскага часу налічвалася 1,5 млн.
Thank you for everything. My last ask is the same as my first. I'm asking you to believe—not in my ability to create change, but in yours.
«Дзякуй вам за ўсё. Мая апошняя просьба такая ж, як і першая. Я прашу вас паверыць не ў мае здольнасці ствараць змены, але ў вашыя», — напісаў ён у сацыяльнай сетцы.
Паўнамоцтвы Барака Абамы як дзеючага прэзідэнта ЗША сканчаюцца 20 студзеня. У гэты ж дзень у Вашынгтоне адбудзецца інаўгурацыя новага кіраўніка дзяржавы, рэспубліканца Дональда Трампа
Браты-блізняты прыйшлі працаваць у міліцыю. Адзін з іх пераплыў раку і ўцёк з Беларусі, каб не займацца палітычнымі справамі. Пагутарылі з ім1
Каментары