На працягу снежня сэрвісы OpenAI, уключаючы ChatGPT, Sora і API для распрацоўшчыкаў, сутыкнуліся з некалькімі сур'ёзнымі збоямі. Акрамя таго, карыстальнікі паведамлялі пра збоі ў працы розных сэрвісаў Microsoft, уключаючы Xbox Live, Microsoft 365, Teams і Outlook, піша Devby.io.
Апошні збой адбыўся 26 снежня. Збоі ў працы ChatGPT і Sora выклікалі значныя праблемы для карыстальнікаў. Паведамлялася пра больш чым 50000 збояў на Downdetector.com пасля рэзкага росту паведамленняў каля 13:30 EST.
Некаторыя карыстальнікі не маглі загрузіць гісторыю сваіх чатаў. Шматлікія кампаніі, якія выкаырыстоўваюць API OpenAI для сваіх праектаў, таксама пацярпелі ад збояў.
Кампанія пацвердзіла наяўнасць тэхнічнай няспраўнасці, якая паўплывала на прадукцыйнасць дадаткаў. Прычынай была праблема аднаго з правайдараў.
Іншы буйны збой адбыўся ў снежні раней, ён доўжыўся каля шасці гадзін. У верасні таксама былі зарэгістраваныя раптоўныя збоі ў працы ChatGPT, якія ў асноўным закранулі карыстальнікаў у ЗША.
Раней у гэтым месяцы гендырэктар OpenAI Сэм Альтман паведаміў, што ў ChatGPT больш за 300 мільёнаў штотыднёвых карыстальнікаў, якія адпраўляюць больш за мільярд паведамленняў у дзень. OpenAI ацэньваецца ў $157 мільярдаў пасля раўнда фінансавання ў $6,6 мільярда ў кастрычніку.
Штучны інтэлект ChatGPT o1 пачаў падманваць сваіх распрацоўшчыкаў
Кампанія, якая стварыла ChatGPT, увайшла ў вайсковы бізнэс
Нейрасеткі могуць выпадкова выдаць інструкцыю стварэння ядзернай зброі?
«Праграмісты раней былі элітарнай кастай. Цяпер дапамагае ChatGPT». Інвестар пра будучыню IT
Штучны інтэлект ужо праз два гады можа вычарпаць рэсурсы з адкрытых крыніц
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары