Вулічны гандаль рэчамі са згарэлага ГЦ «Беларусь» у Віцебску забаранілі пасля скаргі
Пра тое, што ў Віцебску пасля скаргаў згарнулі гандаль рэчамі са згарэлага ГЦ «Беларусь», якія прадавалі проста на вуліцы, паведамілі ў тыкток-акаўнце vitebsk.live.
Аўтар акаўнта расказаў, што калі ён прыехаў на месца гандлю, то аказалася, што яго там ужо згарнулі.
«Я пагутарыў з прадаўцамі — яны сказалі, што людзі паскардзіліся, нешта не спадабалася», — паведаміў тыктокер.
Спачатку прадпрымальнікі нібыта чакалі, што ім дадуць дазвол на распродаж задымленага тавару, аднак у выніку ім гэта рабіць забаранілі, бо «ёсць меркаванне, што гэта небяспечна — гандляваць такой прадукцыяй пасля пажару».
Раней меркавалася, што «дымны кірмаш» працягнецца 6 дзён.
Нагадаем: буйны пажар у ГЦ «Беларусь» у Віцебску адбыўся ўвечары 13 снежня. Пажарныя тушылі яго некалькі гадзін.
Агульная колькасць пацярпелых склала 20 чалавек. Абгарэлы будынак у цэнтры горада, хутчэй за ўсё, аднаўляць не будуць, а проста знясуць.
Папярэдняй прычынай пажару назвалі няякасна зробленую праводку, няспраўнасць якой прывяла да перагрузкі сістэмы і кароткага замыкання.
Ці дапамогуць улады прадпрымальнікам, якія пацярпелі ад пажару, не вельмі зразумела. Старшыня Віцебскага аблвыканкама Аляксандр Субоцін у эфіры тэлеканала АНТ казаў, што «хацелася б дапамагчы тым, хто ў гэтым рэальна мае патрэбу», але пры гэтым абвінаваціў прадпрымальнікаў у перабольшванні наступстваў пажару.
«Грабуць вазкамі». У Віцебску прадпрымальнікі са згарэлага гандлёвага цэнтра прадаюць выратаваны тавар на вуліцы
«Скралі тры партсігары, тры курткі». Віцебскі губернатар абвінаваціў прадпрымальнікаў у перабольшванні наступстваў пажару
МНС: Уладальнік згарэлага ГЦ у Віцебску не ліквідаваў раней выяўленыя парушэнні
«Гэтая крама — мой адзіны бізнэс». Што гавораць работнікі гандлёвага цэнтра, які на тым тыдні згарэў у Віцебску
Назвалі папярэднюю прычыну пажару ў віцебскім ГЦ «Беларусь»
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары
Але калі ім самым прылятае праз malum prohibitum статутаў (якія самыя ж дапамагаюць пісаць і сьціскаць межы дазволенага) дабрасумленных паводзінаў зьняволенага, пачынаюць незадаволена вішчэць