«Іракскія авіялініі» адкрылі рэгулярны рух паміж Іракам і Беларуссю — пакуль на месяц.
Як паведаміла прэс-служба Нацыянальнага аэрапорта «Мінск», урачыстае адкрыццё новага маршруту паміж іракскімі гарадамі Багдад і Басра і Мінскам адбылося 20 студзеня. У 10.40 па мінскім часе ў беларускай сталіцы ажыццявіў пасадку лайнер, на борце якога знаходзіліся «высокія госці» з Ірака: міністр транспарту, члены парламента, дырэктар авіякампаніі і журналісты.
Па рашэнні «Іракскіх авіяліній», рэйс ІА-272/271 па маршруце Багдад — Мінск і назад будзе выконвацца па пятніцах на працягу месяца да 20 лютага. Час прылёту ў Мінск — 10.40, вылету назад у Багдад — 15.00.
Рэйс ва-276/275 з Басры ў Мінск і назад будзе выконвацца па панядзелках таксама на працягу месяца да 20 лютага. Час прылёту ў сталіцу Беларусі — 10.10, вылету назад — 15.00.
«Іракскія авіялініі» — дзяржаўная авіякампанія Рэспублікі Ірак, створаная ў 1945 годзе. Авіяпарк кампаніі складаецца з самалётаў Боінг 737-700, Боінг 737-300, Аэробус А300, Боінг 737-200, Боінг 737-800, Боінг 777-200, Боінг 737-400, Bombardier CRJ-900, Боінг 787-8.
Каментары