Улады Каліфорніі заклікалі жыхароў поўначы штата пакінуць раён паблізу Аравільскай плаціны з-за пашкоджання аварыйнага вадаскіду на 230-метровай дамбе. Існуе пагроза затаплення ў раёне самай высокай дамбы ў ЗША.
Аварыйны вадаскід можа не вытрымаць нагрузкі і абрынуцца ў любы момант, заяўляюць улады, прапануючы тысячам жыхароў пакінуць свае дамы.
Пасля моцных залеўных дажджоў узровень вады ў возеры Аравіль падняўся да крытычнай адзнакі, панізіць якую не ўдаецца з-за няспраўнага стану аварыйнага вадаскіду.
Reuters.com
Гаворка ідзе пра тое, што калі аварыйны вадаскід перастане выконваць сваю функцыю, то вада з возера можа падняцца вышэй узроўню плаціны, што пагражае некантраляваным ператокам вады праз лінію плаціны.
За 50-гадовую гісторыю Аравільскай плаціны, самай высокай у ЗША (230 метраў), эвакуацыя мясцовых жыхароў прапануецца ўпершыню.
У паведамленні шэрыфа аднайменнага горада спецыяльна падкрэсліваецца, што гэта не вучэнні, а рэальная надзвычайная сітуацыя.
100 тысячам жыхарам настойліва рэкамендавана пакінуць горад і ад'ехаць ад яго далей на поўнач.
Каментары