Аляксандар Гордзіч: «У выхадныя выяжджаю за горад паліхачыць. Калі не ствараю аварыйнай абстаноўкі на трасе, выціскаю больш за 150 км у гадзіну».

Старшыня пінскага гарвыканкаму Аляксандар Гордзіч у інтэрвію мясцовай газэце прызнаў, што часам парушае Правілы дарожнага руху.
«У выхадныя выяжджаю за горад паліхачыць. Калі не ствараю аварыйнай абстаноўкі на трасе, выціскаю больш за 150 км у гадзіну».
Як вядома, у Беларусі, нават на самых лепшых аўтамагістралях, дазволена максымальная хуткасьць 110 км у гадзіну. Апрача таго, кіраўнік Пінску распавёў, што ягоны заробак за ліпень склаў 1100 даляраў. І тое, што ён адмовіўся ад прапановы працаваць у Адміністрацыі прэзыдэнта, а на пасадзе мэра гораду мяркуе заставацца «пакуль ня выганяць», бо мае шмат плянаў.
Фота brest-region.by
Каментары