У Мінску ўведзены паніжаны дзённы тарыф на стаянках дзяржаўнага аб'яднання «Гаражы, аўтастаянкі і паркоўкі», паведаміў БелТА галоўны інжынер дзяржаб'яднанне Пятро Пруднікаў.
Новы тарыф дзейнічае з 1 сакавіка. З 6.00 да 19.00 кіроўцы могуць пакідаць свае машыны ўсяго па 5 капеек за адну гадзіну (раней кошт гадзіны быў 1 рубель).
«У сталіцы ў нас 106 стаянак і парковак на 27 тыс. парковачных месцаў. Як сведчыць праведзены аналіз, каля 3,5 тыс. з іх вольныя. Навошта ім пуставаць? Таму і прынялі рашэнне аб тым, каб увесці максімальна дэмакратычны па цане тарыф. Людзям, якія прыязджаюць на сваіх аўто на працу, значна камфортней пакінуць за невялікую плату аўтамабіль на стаянцы пад аховай, чым шукаць бясплатнае месца або паркавацца ў забароненым месцы, — растлумачыў суразмоўца. — А для дзяржаб'яднанне гэта дадатковая фінансавая аддача ад выкарыстання парковачных месцаў».
Коштавая палітыка павінна быць гнуткай, адзначыў П.Пруднікаў і дадаў, што карэктаваць тарыфы трэба з улікам сённяшняй сітуацыі.
Дарэчы, з 19.00 да 6.00 разлік ідзе як за сутачнае захоўванне — па 2 рублі.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары