Сьвята ў Кіеве 1020 годзьдзя хрышчэньня Кіеўскай Русі для каго сьвята, а для каго і ня вельмі. Нават і не сьвята зусім, а амаль што апакаліпсіс мясцовага маштабу. Піша ў сваім блогу а. Аляксандар Шрамко.
Сьвята ў Кіеве 1020 годзьдзя хрышчэньня Кіеўскай Русі для каго сьвята, а для каго і ня вельмі. Нават і не сьвята зусім, а амаль што апакаліпсіс мясцовага маштабу. У вялікай паніцы ктаўніцтва Маскоўскага Патрыярхату. Менавіта кіраўніцтва ў Маскве. У Кіеве з боку прадстаўнікоў УПЦ МП гучаць розныя заявы і меркаваньня, нават супрацьлеглыя. Напрыклад, архімандрыт Кірыл (Гаварун), старшыня аддзелу зьнешніх царкоўных сувязей УПЦ МП цалкам на баку афіцыйнай маскоўскай пазыцыі і вельмі нэгатыўна ставіцца да самаго факту візыту патрыярха Варфаламея і пужае народ ужо быццам падрыхтаваным далучэньнем да Канстантынопаля Кіеўскага патрыярхату. Зусім процілеглыя меркаваньні ў пратаіярэя Георгія Каваленкі, шэф-рэдактара сайту “Праваслаўе ў Украіне”. Ён лічыць, што ператварэньне Кіеўскага патрыярхату ў мітраполію Канстантынопаля можа стаць пачаткам царкоўнага міру ў краіне. “Для нас прынцыповая ня еднасьць у рамках юрысдыцыі ці адной эрархічнай структуры, для нас прынцыповая еднасьць у Хрысьце і ў Адзінай Сьвятой Саборнай і Апостальскай Царкве”, - кажа ён.
Такім чынам, у радах самой УПЦ МП няма еднасьці і адзінай стратэгіі ў дадзенай сытуацыі. Чамусьці пакуль не чуваць епіскапа Александра (Драбінкі), які лічыцца прыхільнікам украінскай аўтакефаліі.
Як вядома, маскоўскі патрыярх накіраваў лісты да патрыярхаў і мітрапалітаў сусьветнага праваслаўя адмовіцца ад удзелу ў кіеўскіх сьвяткаваньнях. Ужо вядома, што з нагоды гэтага ціску ў Кіеў не прыедзе патрыярх Грузінскі і мітрапаліт Кіпрскі.
На заўтра плянуецца прыбыцьцё ў Кіеў патрыярха Аляксія, але выказваюццца думкі, што ён яшчэ можа адмовіцца. Кажуць нават, што сам ён вельмі не жадае ехаць, але чамусьці гэты ягоны візыт патрэбны палітычнаму кіраўніцтву дзяржавы, і на яго ціснуць па дзяржаўнай лініі.
Самае цікавае, што прадстаўнікі усяленскага патрыярхату неаднаразова запэўнівалі, што “патрыярх Варфаламей прыбудзе ў Кіеў толькі для таго, каб правесьці ўрачыстую літургію сумесна з патрыярхам маскоўскім Аляксеем ІІ і іншымі запрошанымі на сьвяткаваньне сьвятарамі; іншых мэтаў у візыту няма”.
Але уся роўна ўсе нешта чакаюць. Хто з надзеяй, хто з напружанасьцю. Можа і проста з перапалоху: у страха вялікія вочы. Мне асабіста мала верыцца, што менавіта ў гэтыя дні патрыярх Варфаламей раптам пойдзе на рашучыя крокі. Тым больш, што ягонага жаданьня яшчэ недастаткова – праваслаўны патрыярх не мае такой асабістай улады, як, напрыклад, Папа Рымскі. Але, зразумела, сказаць нешта такое і можа, хаця б псыхалягічна настроіць на адпаведны накірунак.
Яшчэ маі разважаньні з гэтай нагоды.
Фота: афіцыйны сайт прэзыдэнта Украіны, Партал-Credo.Ru
Цяпер чытаюць
Студэнтак беларускіх ВНУ абавязалі тэрмінова запоўніць анкету з пазначэннем свайго росту74
Каментары