БЧ карэктуе расклад руху цягнікоў у сувязі з пераходам краін ЕС і Украіны на летні час
Беларуская чыгунка карэктуе расклад руху міжнародных цягнікоў у сувязі з пераходам краін ЕС і Украіны на летні час, паведамілі ў прэс-цэнтры БЧ.
У сувязі з пераходам на летні час краін Еўрапейскага саюза і Украіны ў ноч з 25 на 26 сакавіка Беларускай чыгункай сумесна з чыгуначнымі адміністрацыямі Латвіі, Літвы, Польшчы, Расіі і Украіны загадзя праведзеная карэкціроўка раскладу руху міжнародных цягнікоў.
Напрыклад, цягнік №805 Мінск—Вільня, які адпраўляўся з Мінска ў 8.00 і прыбываў у канчатковы пункт руху ў 9.30, з 26 сакавіка будзе прыбываць у Вільню ў 10.30 (час адпраўлення з Мінска застанецца без змяненняў). Цягнік №806 Вільня-Мінск адпраўляўся з Вільні ў 18.10 і прыбываў у сталіцу Беларусі ў 21.40, а пасля 26 сакавіка будзе адпраўляцца з Вільні ў 19.10. Час прыбыцця ў Мінск застанецца ранейшым.
Змены закранулі і міжнародныя цягнікі ў зносінах з Украінай і Польшчай.
Так, цягнік №86 Мінск—Кіеў, які адпраўляўся са сталіцы Беларусі ў 22.40 і прыбываў у Кіеў у 7.52, з 26 сакавіка будзе адпраўляцца з Мінска ў 22.40 і прыбываць у Кіеў у 8.40. Пасля пераходу на летні час у зваротным кірунку цягнік №85 будзе адпраўляцца з Кіева ў 22.35 (да 26 сакавіка адпраўляўся ў 21.44) і прыбываць у Мінск у 8.38.
У БЧ адзначылі, што 26 сакавіка пасажырскія цягнікі, якія адправіліся з пачатковых станцый да пераводу стрэлкі гадзінніка і аказаліся ў дарозе ў момант пераводу гадзіннікавай стрэлкі, ідуць да канчатковых станцый згодна з раскладам, які дзейнічаў да пераводу гадзінніка.
У сувязі са зменамі ў графіку руху міжнародных цягнікоў скарэктаваны і расклад некаторых цягнікоў, якія курсуюць па Беларусі.
Больш падрабязную інфармацыю аб раскладзе можна атрымаць на сайце Беларускай чыгункі, у касах і па тэлефонах даведачных службаў.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары