Улады Еўрасаюза абвінавацілі кампаніі Facebook, Google і Twitter у парушэнні правоў спажыўцоў і далі ім месяц на перафарматаванне сваіх паслуг згодна з еўрапейскім заканадаўствам, паведамляе Reuters.
Адзначаецца, што ў снежні 2016 года ЕС абвясціў кампаніі аб тым, што некаторыя з іх умоў карыстання парушаюць закон ЕС аб абароне правоў спажыўцоў. Да прыкладу, быў раскрытыкаваны рэгламент платформаў, згодна з якім пры жаданні падаць на іх у суд грамадзянін ЕС абавязаны накіравацца з гэтай мэтай у ЗША.
Таксама Facebook, Google і Twitter былі абвінавачаныя ў недастатковых намаганнях у барацьбе з махлярствам і махінацыямі на іх сайтах.
Прадстаўнікі кампаній прапанавалі шэраг рашэнняў праблем, якія выклікаюць трывогу ЕС. На канчатковае перафарматаванне паслуг платформам дадзены месяц.
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты7
Каментары