Прызначаная на сёння сустрэча з заяўнікамі Дня волі адмененая, паведаміў заяўнік ад руху «За свабоду» Аляксандр Русевіч. Па ягоных словах, яму патэлефанавалі з Мінгарвыканкама, паведамляе прэс-служба арганізацыі.
«Мне пазванілі і сказалі, сустрэчы не будзе. «Давядзем да вас нашае рашэнне ва ўстаноўленым законам парадку», - сказаў сайту Pyx.by Аляксандр Русевіч.
Гэта значыць, што адказ заяўнікі, хутчэй за ўсё атрымаюць па пошце.
«Улады паводзяць сабе безадказна, - пракаментаваў гэтае рашэнне Мінгарвыканкама намеснік старшыні Руху «За Свабоду» Юрый Меляшкевіч. - За той час, што застаўся, вельмі цяжка будзе праінфармаваць людзей пра маршрут і дзеянні пад час акцыі».
Адпаведна, дадаў ён, «верагоднасць непрадказальнага сцэнару павялічваюцца». «Асабліва ў сітуацыі, калі большасць лідараў апазіцыі знаходзяцца за кратамі», - заключыў Меляшкевіч
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары