Прэзідэнт Турцыі Рэджэп Таіп Эрдаган заявіў, што галасаванне за пашырэнне яго паўнамоцтваў на рэферэндуме стане найлепшым адказам «фашысцкай і жорсткай» Еўропе, піша ВВС.
«Гэтая Еўропа — як да Другой сусветнай вайны: расісцкая, фашысцкая, жорсткая Еўропа. Антыісламская і антытурэцкая Еўропа», — заявіў Эрдаган у аўторак на мітынгу ў Анкары.
Адносіны паміж Турцыяй і Еўропай сур'ёзна абвастрыліся пасля таго, як некалькі краін забаранілі ўезд турэцкім палітыкам, якія збіраліся правесці сустрэчы з суграмадзянамі напярэдадні рэферэндуму. З-за гэтага канфлікту турэцкія ўлады ўжо неаднаразова заяўлялі аб росквіце фашызму ў Еўропе.
У панядзелак канцлер Германіі Ангела Меркель у чарговы раз заклікала Турцыю спыніць параўнанні з нацыстамі і заявіла, што Берлін захоўвае за сабой права блакаваць будучыя прыезды турэцкіх чыноўнікаў, калі яны не будуць адпавядаць нямецкім законам.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты16
Каментары