Два чалавекі загінулі і яшчэ адзін атрымаў сур'ёзныя траўмы ў ДТЗ, якое адбылося днём 21 красавіка на трасе М1 пад Барысавам. Пра гэта TUT.BY паведамілі ў ДАІ Мінскай вобласці.
Паводле папярэдняй інфармацыі, каля 16.30 на 452-м кіламетры трасы М1 Брэст — Мінск — мяжа РФ у Барысаўскім раёне фура Renault, якая ехала ў кірунку Брэста, сутыкнулася з сустрэчным мікрааўтобусам Volkswagen Multivan. Пасля сутыкнення абодва транспартныя сродкі вылецелі ў кювет.
У выніку ДТЗ два чалавекі з мікрааўтобуса ад атрыманых траўмаў памерлі на месцы здарэння, яшчэ адзін у цяжкім стане дастаўлены ў рэанімацыйнае аддзяленне бальніцы.
На месцы аварыі працуе следча-аператыўная група. Прычыны і абставіны ДТЗ высвятляюцца. Папярэдне вядома, што сутыкненне адбылося ў паласе руху VW.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары