Раскамнагляд унёс у спіс забароненых рэсурсаў адрасы месенджараў BlackBerry, Imo і Line. У пераліку таксама аказаўся аўдыёвізуальны чат Vchat, паведамляе ВВС.
Месенджары, якія раней адмовіліся рэгістравацца ў ведамстве ў статусе распаўсюджвальнікаў інфармацыі, былі ўнесены ў рэестр забароненых сайтаў з паметкай «Restricting». Гэта азначае, што ў будучыні Раскамнагляд будзе блакаваць усе сэрвісныя IP-адрасы і тэхнічныя дамены сэрвісаў.
Прадстаўнік Раскамнагляду Вадзім Ампялонскі пацвердзіў ўнясенне ўнясенне месенджараў у чорны спіс. «Мы сумесна з органамі, якія ажыццяўляюць аператыўна-вышуковую дзейнасць, планамерна напаўняем рэестр арганізатараў распаўсюду інфармацыі. Тыя, хто не рэагуе, аказваецца пад блакаваннем», — сказаў Ампялонскі.
Раней у красавіку 2017 года на тых жа падставах быў заблакаваны мабільны дадатак Zello. Сэрвісам-рацыяй нярэдка карысталіся актывісты, у тым ліку дальнабойнікі, падчас каардынацыі пратэстных акцый.
Папраўкі ў закон «Аб інфармацыі, інфармацыйных тэхналогіях і абароне інфармацыі», распрацаваныя дэпутатам Ірынай Яравой і сенатарам Віктарам Озеравым, былі прынятыя ў Расіі ў 2014 годзе. Дакумент увёў паняцце «арганізатараў распаўсюджвання інфармацыі».
Пад ім маецца на ўвазе ўладальнік сэрвісу, які выкарыстоўваецца інтэрнэт-карыстальнікамі для абмену паведамленнямі. Гэтыя сэрвісы ўносяць у адпаведны рэестр Раскамнагляду.
Прыняты ў 2016 годзе пакет «антытэрарыстычных» законаў патрабуе ад «арганізатара распаўсюджвання інфармацыі» з 2018 года захоўваць звесткі пра адпраўленыя карыстальнікамі паведамленні на працягу паўгода і перадаваць праваахоўным органам ключы для расшыфроўкі паведамленняў.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў20
Каментары