Інтэрнэт-супольнасць тарпедавала старонку кобрынскага музея Суворава ў фэйсбуку
Увагу карыстальнікаў беларускага фэйсбука прыцягнула старонка кобрынскага музея імя Суворава — адзін з тамтэйшых супрацоўнікаў, адказны за сацыяльныя сеткі, вельмі выразна выказваў свае палітычныя погляды ад імя суполкі.
На старонцы музею ў інтэрнэце ён размяшчаў сумнеўныя тэксты чарнасоценскіх аўтараў, даваў свае ацэнкі словам украінскіх чыноўнікаў, пісаў, што Крым — расійскі, выкрываў «хлусню свядомых».
Беларуская фэйсбук-грамада выказала сваё абурэнне скаргамі на старонку — спрычыніўся нават знаны эканаміст Вадзім Іосуб.
У выніку старонка была часова заблакаваная — адміністратары фэйсбука накіравалі ўладальнікам запыт з просьбай пацвердзіць асобу.
У самім музеі журналісту «Нашай Нівы» сказалі, што старонку ў фэйсбуку сапраўды вёў адзін з супрацоўнікаў.
«Я пакуль самі публікацыі не бачыла, бо не паглыблялася ў тэму, а з іх палову ўжо адміністрацыя сайта выдаліла, як я разумею, — сказала дырэктарка музею Алена Бабенка. — Відаць, гэта яго — супрацоўніка — прыватная пазіцыя была. З супрацоўнікам будзе размова. Хай прадаставіць мне матэрыялы, што там размяшчалася, будзем разбірацца».
Прапагандысты запэўніваюць, што 196 палітвязняў ужо на свабодзе9
Каментары