А ўчора быў чарговы рэкорд тэмпэратуры і залева ў Пінску.
Значнымі кантрастамі вызначалася надвор'е ў Беларусі 15 жніўня.
Як паведамілі БелаПАН у Рэспубліканскім гідраметэацэнтры, калі ў цэнтральных раёнах Мінскай вобласці і на ўсходзе Гродзенскай максімальная тэмпература паветра не перавышала 22 градусаў цяпла, то ў Гомелі быў устаноўлены новы рэкорд гэтага дня — плюс 34,4 градуса. Ранейшы складаў 33,9 градуса (зафіксаваны ў 1952 годзе).
У Брагіне (Гомельская вобласць) слупок тэрмометра падняўся да адзнакі 34,2 градуса (ранейшы рэкорд — 32,2 у 1992 годзе).
Апрача таго, у Пінску (Брэсцкая вобласць) выпала больш за палову месячнай нормы ападкаў — 52 мм, або 52 літры вады на квадратны метр.
16 жніўня чакаецца вельмі гарачае надвор'е з дзённай тэмпературай паветра месцамі да 36 градусаў цяпла.
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары