Кракаў атрымаў 2,5 млн еўра на падрыхтоўку да будаўніцтва метро. Адпаведныя сродкі на тэхніка-эканамічнае абгрунтаванне першай лініі метрапалітэна ў Кракаве вылучыла Еўрапейская камісія ў рамках праекта «Злучаючы Еўропу», паведамляе Радыё Польшча.
Распрацоўка тэхніка-эканамічнага абгрунтавання дапаможа вызначыць, на якім маршруце павінна быць рэалізаваная інвестыцыя. У пытаннях тэндэру на падрыхтоўку тэхніка-эканамічнага абгрунтавання горад мае намер кансультавацца з кіраўніцтвам венскага метрапалітэна, навукоўцамі з Горна-металургічнай акадэміі і Кракаўскай палітэхнікі, а таксама праекціроўшчыкамі варшаўскага метро і галоўным ваяводскім кансерватарам помнікаў гісторыі.
За стварэнне ў Кракаве метро мясцовыя жыхары прагаласавалі ў ходзе рэферэндуму ў 2014 годзе. Гэтую ідэю тады падтрымалі 55% гараджан.
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары