Лета ў гэтым годзе не радуе: то дождж, то холад. А тут яшчэ тыдзень - і жнівень. Tut.by пацікавіўся ў сіноптыкаў, ці варта чакаць і верыць, што цяпло сёлета ўсё ж такі прыйдзе.
- У 40 гадах са ста жнівень — самы цёплы месяц лета, і не выключана, што сёлета так і здарыцца, - кажа Алена Камароўская, начальнік аддзела клімату Белгідрамет. - Гэты тыдзень будзе цёплым, хоць і з дажджамі.
А вось да выхадных надвор'е зноў сапсуецца: тэмпература панізіцца, пойдуць дажджы.
Тым не менш, удакладняе спецыяліст, у пачатку жніўня сіноптыкі ўсё ж такі чакаюць павышэння тэмператур.
Дарэчы, нягледзячы на, здавалася б, холад за акном, сярэдняя тэмпература за гэтыя паўгода вырасла - цяпер яна на 1,7 вышэй за кліматычную норму і складае 5,1 градуса. Галоўны ўклад у павышэнне ўнеслі першыя тры месяцы года. Так, напрыклад, зіма ў 2017-м скончылася вельмі рана. Ужо 17-18 лютага здарыўся пераход сярэднясутачнай тэмпературы праз 0.
- Гэта недзе на месяц раней за звычайныя тэрміны, - працягвае Алена Камароўская. - Цёплай была і першая палова вясны. У сакавіку тэмпературы былі на 6 градусаў вышэй за норму. Такія высокія паказчыкі назіраліся ўсяго чатыры разы за ўвесь перыяд назіранняў.
А вось сярэдзіна красавіка-мая атрымалася халоднай. Так свежа на вуліцы не было ні разу за ўвесь пасляваенны перыяд.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары